Հայ Դատը Նեցուկ Կը Կանգնի Լուիս Լոփեզի Ընտրապայքարին

ԼՈՍ ԱՆՃԵԼԸՍ.- Արեւմտեան Ամերիկայի Հայ Դատի յանձնախումբը կը տեղեկացնէ, թէ Քալիֆորնիոյ նահանգային խորհրդարանի 51րդ ընտրատարածքէն ետք, Դեկտեմբեր 5ին կայանալիք արտակարգ ընտրութիւններուն որոշած է նեցուկ կանգնիլ Լուիս Լոփեզի ընտրապայքարին։

«Լուիս Լոփեզ կրցած է փաստել, որ ծանօթ է ամերիկահայութիւնը յուզող հարցերուն եւ ըմբռնումով կը մօտենայ անոնց», կը յայտնէ Արեւմտեան Ամերիկայի Հայ Դատի յանձնախումբի ատենապետ Նորա Յովսէփեան։

Իր կարգին, Լոփեզ շնորհակալութիւն յայտնած է Հայ Դատին ցուցաբերած զօրակցութեան համար։

Նշենք, որ թեկնածուն երկար տարիներու ընթացքին մօտիկ յարաբերութիւններ ունեցած է Լոս Անճելըսի քաղաքապետական խորհուրդի անդամ Փօլ Գրիգորեանի, եւ Քալիֆորնիոյ նահանգային խորհրդարանի անդամ Ատրին Նազարեանի հետ, միաժամանակ նեցուկ կանգնելով Զարեհ Սինանեանի, Շանթ Սահակեանի եւ Արտաշէս Քասախեանի ընտրապայքարներուն։

51րդ ընտրատարածքին մէջ կ՛իյնան Իկըլ Ռաքը, Հայլընտ Փարքը, Էքօ Փարքը, Սիլվըր Լէյքը, Էլ Սերանօն եւ Չայնաթաունը։

Լոփեզի եւ անոր ընտրապայքարին մասին յաւելեալ տեղեկութեանց համար, այցելել www.luislopez.org կայքը։

asbarez.com

Տպել Տպել